દરેકની ઇચ્છા હોય છે કે, તેમના દાંત સફેદ અને ચળકતા હોય છે. દરેક જણ ઈચ્છે છે કે, જ્યારે તેઓ હસતા હોય ત્યારે તેમના દાંત ચમકતા હોય. સફેદ અને ચળકતા દાંત વ્યક્તિત્વમાં ચાર ચાંદ લગાવે છે. પરંતુ જે વ્યક્તિના દાંત ઘણી વખત પીળા હોય છે તેને દાંતને કારણે શરમનો સામનો કરવો પડે છે. ખુલ્લેઆમ હસતાં પહેલાં તેણે ઘણી વાર વિચારવું પડશે. આજે અમે તમને કેટલાક ઘરેલું ઉપાય જણાવીશું જે તમને પીળા દાંત(Get rid of dirty teeth with home remedies)થી છુટકારો આપશે.
પીળા દાંત અને શ્વાસની દુર્ગંધને કારણે તમે કોઈની સામે ખુલીને હસી પણ શકતા નથી. શું તમને આ કારણે વારંવાર શરમનો સામનો કરવો પડી રહ્યો છે, તો હવે આ સમસ્યા દૂર થઈ શકે છે. જોકે જ્યારે કેટલાક ખાધા-પીધા પછી પાણીથી કોગળા કરતા નથી અથવા દિવસમાં બે વાર બ્રશ કરતા નથી, ત્યારે દાંત પર પ્લાક એટલે કે પીળા પડ જમા થાય છે. ધીમે-ધીમે તે તેની પકડ ચુસ્ત કરે છે અને ટર્ટાર બની જાય છે. જે દાંતના મૂળમાં પેઢાની નીચે પહોંચવા લાગે છે. જેના કારણે દાંત પીળા, નબળા, દુર્ગંધવાળા અને ચેપનું ઘર બની શકે છે. એવામાં કેટલાક ઘરેલું ઉપચાર દાંતની આ સમસ્યાઓથી છુટકારો મેળવી શકે છે, તે પણ ઓછા ખર્ચમાં.
દાંત પર રહેલા પીળા ડાઘ દૂર કરવા માટે ઘણીવાર લોકો પૈસા પણ ખર્ચતા હોય છે. તેવામાં તમે પણ પીળા દાંતથી પરેશાન છો તો આજે અમે તમને કેટલાક ઘરેલૂ નુસ્ખા વિશે જણાવીશું, જેને અપનાવી તમે તમારા દાંત સુંદર બનાવી શકો છો. તમે દાંત પરથી પીળા ડાઘ હટાવી તેને મોતીની જેમ ચમકાવી શકો છો.
- પીળા દાંત હટાવવા માટે એક ચમચી મીઠામાં લીંબુનો રસ અને સરસવનું તેલ મિક્સ કરવાનું છે. હવે તેની પેસ્ટ બનાવી તમારે દિવસમાં ત્રણ-ચાર વખત બ્રશ કરવાનું છે. દાંતોની સફાઈ માટે આ નુસ્ખો અસરકારક માનવામાં આવે છે. તેનાથી પીળા દાંત સફેદ બને છે.
- પીળા દાંત દૂર કરવામાં લીંબડાનું દાતણ પણ અસરકારક છે. તે માટે તમારે બ્રશની જગ્યાએ લીંબડાનું દાતણ કરવું જોઈએ.
- દાંત પર પીળા ડાઘથી છુટકારો મેળવવા માટે સ્ટ્રોબેરી અને મીઠાને એક સાથે મિક્સ કરવાનું છે અને પછી બ્રશની મદદથી દાંતોની સફાઈ કરવાની છે. તેનાથી દાંતમાં રહેલા ડાઘ દૂર થવા લાગશે.
- તુલસીના કેટલાક પાંદડા સૂકવ્યા પછી, પીસી લીધા બાદ અને પાવડર બનાવ્યા પછી, તેને ટૂથપેસ્ટ પર નાંખો અને નિયમિતપણે બ્રશ કરો. આ રેસીપીથી તમને ચોક્કસપણે ફાયદો થશે. તુલસી એ ઘણા ઓષધીય ગુણધર્મોની ખાણ છે.
- લીંબુ તમારા મોઢાની ગંધ અને નિરાશાને દૂર કરવામાં ખૂબ ઉપયોગી સાબિત થઈ શકે છે. એક લીંબુના રસમાં સમાન પ્રમાણમાં પાણી મિક્સ કરો. હવે ખોરાક ખાધા પછી, આ મિશ્રણથી કોગળા કરો.
દાંતના લાંબા આયુષ્ય માટે કેટલીક જરૂરી બાબતો
તમારી ખાવાની આદતો બદલો
એક અહેવાલ અનુસાર, ખોરાકમાં બદલાવ કરીને દાંતોમાં આવતો સડો અટકાવી શકાય છે. ખાંડયુક્ત ખોરાકથી દાંતો સડવા લાગે છે, તેથી ખાંડનું સેવન ન કરવું જોઇએ. તમારા દાંતોને મજબૂત બનાવવા તમારે કેલ્શિયમથી ભરપૂર ખોરાક લેવો જોઇએ. ડેરી પ્રોડક્ટ્સ જેમ કે દૂધ, દહીં, ખાટું ક્રિમ અને પનીરનું સેવન કરવું જોઇએ
શુગર ફ્રી ગમ ચાવો
શુગર-ફ્રી ગમ ચાવવાથી કેવિટીથી બચી શકાય છે. તેનાથી મોઢામાં લાળ ભરાઈ જાય છે, જેનાથી મોઢા અને દાંતમાં ફસાયેલા ખોરાકના કણ સાફ થઈ શકે છે અને એસિડને બેઅસર કરી શકાય છે. તે દાંતના ઈનેમલને મજબૂત કરી શકે છે અને બીમારીઓ સામે લડી શકે છે.
ટૂથબ્રશ દરરોજ કરો સાફ
ટૂથબ્રશ વાપર્યા પછી બ્રથને પાણીથી ધોઇને સારી રીતે સાફ કરી લો અને સૂકાવા દો. બ્રશને બાથરૂમમાં ન રાખશો, કારણ કે તેમાં રહેલા બેક્ટેરિયા બ્રશ પર જમા થઇ શકે છે.
ડેન્ટલ કેર રૂટિન અપનાવો
કેવિટી અને દાંત સંબંધિત અન્ય સમસ્યાઓથી બચવા માટે એક ડેન્ટલ કેર રૂટિન અનુસરો. સવારે અને સાંજે સૂતા પહેલા તમારા દાંતોને સાફ કરવાનો આગ્રહ રાખો. તમે માઉથવોશનો ઉપયોગ પણ કરી શકો છો.
ખાસ નોંધ :અહીં આપેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. તેને અપનાવતા પહેલાં તબીબી સલાહ લેવી જોઈએ.